У Беларусь са Швецыі адклікалі пасла Дзмітрыя Мірончыка

У Беларусь са Швецыі адклікалі пасла Дзмітрыя Мірончыка. Для кансультацый у Стакгольм таксама адклікалі шведскага часовага паверанага ў нашай краіне. Пра дыпламатычны скандал, які выбухнуў пасля прызначэння МЗС Швецыі дыпламатычнай прадстаўніцы пры беларускіх дэмакратычных сілах Крысціны Юханесан, паведамляе Радыё Свабода.

У прэс-службе МЗС Швэцыі кажуць, што праца ў амбасадзе ў Мінску працягваецца ў звычайным рэжыме.

Пра прызначэнне Юханесан, якая раней была амбасадаркай у Беларусі, стала вядома ў лістападзе 2023-га. Пра яе прызначэнне паведаміў міністр замежных спраў Швецыі Тобіяс Більстром на сумесным брыфінгу з Святланай Ціханоўскай у Вільні. Рэжым Аляксандра Лукашэнкі абурылі і словы Більстрома пра перамогу Ціханоўскай на прэзідэнцкіх выбарах 2020-га.

Сваімі бліжэйшымі задачамі Крысціна Юханесан бачыла паглыбленне ў праблемы беларусаў, якія жывуць Швецыі, а таксама інфармаванне шведаў пра сітуацыю ў Беларусі.