У Беларусі блакуюць доступ да ўкраінскіх навінавых сайтаў — за бунт вагнераўцаў

У Беларусі заблакавалі пяць украінскіх навінавых сайтаў. Гэта glavred.infо, spektr.prеss, hromadske.uа, news.оnline.uа, tribunа.com.uа.

Як паведамляе прэс-служба Генпракуратуры, адпаведнае рашэнне прыняў пракурор Віцебскай вобласці.

Асноўнай прычынай называюцца матэрыялы, прысвечаныя бунту вагнераўцаў у Расіі. Гаворыцца, быццам на гэтых сайтах "размяшчалася інфармацыя экстрэмісцкага характару, якая прымушае грамадзян да супрацьдзеяння дзяржаўнай уладзе Рэспублікі Беларусь у сувязі з сітуацыяй адносна ПВК "Вагнер".

Таксама ў пракуратуры мяркуюць, што на ўкраінскіх сайтах "паведамляліся недакладныя звесткі, якія дыскрэдытуюць прэзідэнта Рэспублікі Беларусь".