У Беларусі разлічваюць, што нармалізацыя адносін з ЗША і ЕС будзе незваротнай

У Беларусі разлічваюць, што нармалізацыя адносін з ЗША і Еўрасаюзам атрымае "незваротны характар", а ўзаемадзеянне ўдасца вывесці на новы ўзровень, які "адпавядае аб'ектыўнаму патэнцыялу і патрэбам бакоў". Пра гэта гаворыцца ў "Аглядзе вынікаў знешняй палітыкі Рэспублікі Беларусь і дзейнасці Міністэрства замежных спраў у 2016 годзе", які быў апублікаваны ў чацвер.

Адзначаецца, што такую надзею дала адмена ЕС і Злучанымі Штатамі большасці санкцый, раней уведзеных у дачыненні нашай краіны. У "Аглядзе..." падкрэсліваецца, што пасля адмены Бруселем санкцый у лютым 2016-га адносіны Еўрасаюза і Беларусі развіваюцца пазітыўна.