У Бруселі вадамётамі разагналі дэманстрацыю ультраправых (фота, відэа)
![У Бруселі вадамётамі разагналі дэманстрацыю ультраправых (фота, відэа)](/sites/default/files/styles/gallery_main/public/2023-08/620_400_1459089163-1941.jpeg.webp?itok=H13joapL)
У Бруселі вадамётамі разагналі дэманстрацыю ультраправых. Здарэнне адбылося 27 сакавіка на плошчы Ла Бурс. Менавіта туды прыносяць кветкі ў памяць пра ахвяр нядаўніх тэрактаў. Сотні футбольных фанатаў крычалі на мусульманак у натоўпе і ўскідвалі рукі ў нацысцкіх вітаннях. Яны скандавалі "Хуліганы Бельгіі. Гэта наш дом".
Паліцыя разагнала ўльтраправых актывістаў з-за таго, што тыя перашкаджалі акцыі памяці, інфармуе УНІАН.
Падчас тэрактаў 22 сакавіка ў Бруселі загінула 28 чалавек, 340 былі параненыя. Адказнасць за тэракты ўзяла на сябе тэрарыстычная "Ісламская дзяржава".