У фінале футбольнага Кубка Беларусі сустрэнуцца "Тарпеда-БелАЗ" і БАТЭ
"Тарпеда-БелАЗ" — "Славія" / torpedo-belaz.by
У фінале футбольнага Кубка Беларусі сустрэнуцца "Тарпеда-БелАЗ" і БАТЭ. У сераду ў паўфінальным матчы жодзінцы згулялі ўнічыю 0:0 са "Славіяй" і прайшлі далей, паколькі ў Мазыры выйгралі — 1:0. Барысаўчане і "Нёман" у першым матчы згулялі ўнічыю 1:1, у другім паядынку ў асноўны час лік быў 0:0, у дадатковы галоў таксама не было, і ўсё вырашылі пенальці. БАТЭ перамог — 5:4.
Рашаючы матч пройдзе 28 траўня на мінскім стадыёне "Дынама". Летась уладальнікам Кубка Беларусі стаў "Гомель", які ў фінале абыграў БАТЭ.
