У Мінскім раёне "ўхіліста" ад службы ў войску аштрафавалі на 4 тысячы рублёў
Суд у ваенкамаце пад пільным поглядам Аляксандра Рыгоравіча / pristalica.by
У Мінскім раёне "ўхіліста" ад службы ў войску аштрафавалі на 4 тысячы рублёў. Летась у жніўні малады чалавек не з'явіўся ў ваенкамат для праходжання медабследавання, паколькі працаваў у Расіі. На тэлефанаванні супрацоўнікаў ваенкамата ён не адгукнуўся, піша pristalica.by.
У выніку хлопца знайшлі. Крымінальную справу ў канцы сакавіка разглядаў суд Мінскага раёна на выязным пасяджэнні ў раённым ваенкамаце. На яго прывялі навучэнцаў сярэдніх спецыяльных вучэбных устаноў.
