У Мінску сутыкнуліся легкавік і два матацыклы, двое загінулых
Трагічнае здарэнне адбылося ўвечары 11 красавіка на вуліцы Маякоўскага (каля вуліцы Аранскай).
Там сутыкнуліся два матацыклы Yamaha і аўтамабіль BMW. Кіроўца аднаго матацыкла застаўся жывы, кіроўца іншага разам з хлопцам-пасажырам загінулі.
Паводле папярэдніх дадзеных, жанчына-кіроўца BMW разварочвалася і не прапусціла матацыклістаў. Сведкі кажуць, што ў салоне легкавіка было дзіця.
