У пятніцу на дарогах Беларусі захаваецца галалёдзіца
11 снежня месцамі па поўначы Беларусі чакаецца ўзмацненне ветру парывамі да 15-17 метраў у секунду. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе воблачнае з праясненнямі надвор'е, пераважна без ападкаў. Толькі ўдзень месцамі па паўночным захадзе прагназуюцца кароткачасовыя дождж і мокры снег. Уначы і зранку ў асобных раёнах магчымы туман, слабы галалёд, на дарогах захаваецца галалёдзіца.
Вецер будзе паўднёва-заходні 4-9 метраў у секунду, па поўначы месцамі магчымыя парывы да 15-17 метраў у секунду.
Тэмпература паветра ўначы складзе ад -4 да +2 градусаў. Днём чакаецца ад нуля да 6 градусаў цяпла.
У выхадныя ў Беларусі чакаецца няўстойлівае надвор'е з ападкамі
Фота: БЕЛТА
