Украінцы арганізавалі выставу партрэтаў загінулых беларускіх добраахвотнікаў
Партрэт Рамана Бандарэнкі мастачкі Ксішы Ангелавай / Союз украинцев Великобритании
Украінская дыяспара ў Вялікабрытаніі правяла ў Лондане выставу, на якой паказалі партрэты загінулых беларускіх добраахвотнікаў.
Аўтарка партрэтаў — беларуская мастачка Ксіша Ангелава. Яна нарадзілася ў Мінску ў сям'і архітэктараў, яе прадзед быў першым рэктарам Беларускай палітэхнікі, рэпрэсаваным савецкай уладай. Мастачка скончыла Беларускую акадэмію мастацтваў, вучылася іканапісу ў Свята-Елісавецінскім жаночым манастыры.
У 2020 годзе пасля гібелі Рамана Бандарэнкі яна пачала пісаць партрэты палітвязняў.
"Пасля поўнамаштабнага ўварвання Расіі ва Украіну Ксіша актыўна ўключылася ў валанцёрскую дзейнасць, прымаючы ўкраінскіх уцекачоў на вакзалах польскай сталіцы, праводзіла з імі арттэрапію", – расказалі прадстаўнікі ўкраінскай дыяспары.
Частка выставы прысвечаная беларускім палітвязням. У ёй прадстаўленыя цытаты з іх лістоў і апошнія словы на судзе. Гэтыя тэксты зачыталі ўдзельнікі мерапрыемства.
