Вучыцеся вытрымцы ў турэцкага стралка: ён скарыў на Алімпіядзе ўсіх — #ІхНоравы
#ІхНоравы / калаж Улада Рубанава, Еўрарадыё
Што здарылася ў свеце, пакуль мы чакалі найбуйнейшага з часоў халоднай вайны абмену паміж Расіяй і краінамі Захаду.
Яшчэ адна нечаканая ўгода
Трое абвінавачаных у падрыхтоўцы тэракту 11 верасня заключылі дасудовае пагадненне. Яны ўжо шмат гадоў утрымліваюцца пад вартай на базе ВМС ЗША ў заліве Гуантанама без суда.
Падрабязнасці ўгоды не выдаюцца, але амерыканскія навінавыя агенцтвы паведамляюць, што мужчыны прызнаюць сябе вінаватымі. Іх патрабаванне — абвінавачанне не будзе дабівацца смяротнага пакарання.
Паводле інфармацыі The New York Times, пра ўгоду ўпершыню абвясцілі ў лісце, скіраваным сем'ям ахвяраў.
У выніку атак загінула каля 3 тысяч чалавек у Нью-Ёрку, Вірджыніі і Пенсільваніі. Гэта паклала пачатак уварванням у Афганістан і Ірак. Тэракты 11 верасня сталі самай смертаноснай атакай на тэрыторыі ЗША з часоў нападу Японіі на Пэрл-Харбар у 1941 годзе.
Бяжыце. А не, позна
Аргенціна будзе выкарыстоўваць ШI, каб прадказаць будучыя злачынствы. Трохі палохае, праўда? Аргенцінцы таксама занепакоіліся. Эксперты папярэджваюць, што гэты крок можа парушаць правы грамадзян.
Atlet lain pake peralatan set lengkap, serius, atlet turki bapack2 santuy cukup diri dan pistol tp aura john wick#Paris2024 #OlimpiadasParís2024 #OlympicGames #pistol #shooting #Turkey # pic.twitter.com/AihN52BXs6
— Topeng Kaca (@dingdongcuk) August 1, 2024
А туркі жартуюць, што іх стралкам не патрэбная экіпіроўка — ім дастаткова "аўры Джона Уіка".
