Выбары ў ЗША: Камала Харыс абышла Трампа ў апытаннях
![Камала Харыс](/sites/default/files/styles/gallery_main/public/2024-07/kamala-2207_1.jpg.webp?itok=rx44Fc8H)
Камала Харыс / Morry Gash/AP
Віцэ-прэзідэнтка ЗША і кандыдатка ў прэзідэнты ад Дэмакратычнай партыі Камала Харыс упершыню абышла экс-прэзідэнта, кандыдата ад Рэспубліканскай партыі Дональда Трампа ў апытаннях сярод зарэгістраваных выбаршчыкаў. Паводле абагульненых звестак некалькіх нацыянальных апытанняў, за Харыс цяпер гатовыя прагаласаваць 48% выбаршчыкаў, за Трампа — 47%.
Важным момантам з'яўляецца тое, што Камала Харыс лідзіруе ў тым ліку ў некалькіх "зменлівых штатах" — галасаванне ў іх вызначыць вынік прэзідэнцкай гонкі. Сёння Харыс аддаюць большую перавагу ў тым ліку ў Мічыгане, Вісконсіне і Пенсільваніі. Гэтыя штаты яшчэ называюць"блакітны сцяной".
У апытаннях, дзе ўлічваецца і Роберт Кэнэдзі-малодшы, які ідзе як незалежны кандыдат, перавага Харыс захоўваецца. Напрыклад, апошняе апытанне Ipsos паказала, што тады Харыс можа заручыцца падтрымкай 42%, Трамп — 37%, а Кэнэдзі-малодшы — 4%. Частка даследаванняў паказваюць, што Кэнэдзі-малодшы можа "адымаць" частку выбаршчыкаў у Трампа, хоць на старце гонкі былі гіпотэзы, што ён наадварот будзе размываць дэмакратычны электарат.
Адрыў невялікі і дынаміка можа змяніцца ў любы бок. Выбары прэзідэнта ЗША пройдуць у пачатку лістапада.
![Выборы в США: Камала Харрис обошла Трампа в опросах](/sites/default/files/styles/default_image_paragraph/public/paragraphs/image/%D0%BE%D0%BF%D1%80%D0%BE%D1%81%D1%8B%20%D0%B2%D1%8B%D0%B1%D0%BE%D1%80%D1%8B%20%D1%81%D1%88%D0%B0%202024.png.webp?itok=irs1ooyL)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.