З Беларусі ў Латвію сыходзіць крыптабіржа iExchange

У Беларусі ліквідуецца кампанія "Крыптатрэйд", якая ў 2019 годзе заснавала крыптабіржу iExchange. Новую юрыдычную асобу і крыптабіржу ўласнікі адкрыюць у Латвіі.

Таксама фаўндары падалі заяўку рэгулятару Сінгапура на ліцэнзію EMI (ліцэнзія на эмісію электронных грошай).

У тлумачэнні dev.by адзін з фаўндараў iExchange Ігар Сніжко сказаў, што прычынай такога рашэння сталі заходнія санкцыі. 

"Беларусь — добрая краіна для вядзення гэтага віду бізнесу. Але, на жаль, у міжнародных банкаў з прычыны санкцый узніклі пытанні пры закупцы ліквіднасці. Працаваць стала цяжка", — заявіў Сніжко.