"Беларусы заслугоўваюць справядлівасці" — Ціханоўская пра новыя санкцыі ЕС
Беларусь за калючым дротам / Reuters
Кіраўніца Аб'яднанага пераходнага кабінета Беларусі Святлана Ціханоўская вітае пашырэнне санкцый ЕС у дачыненні рэжыму Аляксандра Лукашэнкі.
"Тыя, хто нажываецца на дыктатуры і парушае правы чалавека, павінны панесці пакаранне, — піша яна ў Х. — Беларусы заслугоўваюць справядлівасці!".
Ціханоўская адзначае, што ў "чорны спіс" дадалі тых, хто мае дачыненне "да рэпрэсій Лукашэнкі, фальсіфікацыі выбараў і падтрымкі вайны з боку Расіі".
Еўрасаюз пашырыў санкцыі супраць рэжыму Лукашэнкі за падтрымку Расіі ў вайне супраць Украіны. У "чорны спіс" дадалі 25 чалавек і 7 юрыдычных асоб. Пад санкцыямі цяпер Цэнтральная выбарчая камісія РБ.
