Альгерду Бахарэвічу ўручылі Лейпцыгскую кніжную прэмію
Альгерд Бахарэвіч прамаўляе на ўручэнні кніжнай прэміі / facebook.com/andrei.dureika
Альгерду Бахарэвічу ўручылі Лейпцыгскую кніжную прэмію. Быў адзначаны ўклад беларускага пісьменніка ў "еўрапейскае паразуменне".
Прэміяй адзначаны раман "Сабакі Еўропы", які ў Беларусі прызналі "экстрэмісцкім". Бахарэвіч адзначае, што гэта "значная і важная міжнародная ўзнагарода".
"Мы не мусім здрадзіць свабодзе дзеля фікцыі міру, у імя кампрамісу з дыктатарам, — гаварыў Альгерд Бахарэвіч на ўрачыстасці ў Ляйпцыгу. — Усё, што нам застаецца — трымацца еўрапейскіх каштоўнасцяў, як бы нас ні імкнуліся пераканаць, што іх час мінуў. Каштоўнасці не мяняюць у залежнасці ад волі тыранаў".
Немец Томас Вайлер атрымаў Лейпцыгскую кніжную прэмію за найлепшы пераклад. Ён перакладаў кнігу Алеся Адамовіча, Янкі Брыля і Уладзіміра Калесніка "Я з вогненнай вёскі...".
