З ІП бяруць падпіску, што яны абавязкова стануць ЧУПамі
Дзеля таго, каб ЧУПаў стала больш, аддзел прадпрымальніцтва Мінгарвыканкаму працаваў у чырвоны дзень календара (7 лістапада) і будзе прымаць прадпрымальнікаў у суботу.
За два дні ў Мінску з’явілася 148 ЧУПаў. У аўторак у Мінску было зарэгістравана 352 ІП, якія сталі прыватнымі прадпрыемствамі. Сёння ў Мінгарвыканкаме называюць лічбу 500 (усіх сталічных прадпрымальнікаў 75 тысяч). Да 10 лістапада (апошні дзень, калі можна зарэгістравацца па ільготнай схеме) засталіся тры працоўныя дні.
Начальнік упраўлення рэгістрацыі і ліцэнзавання Камітэта эканомікі Мінгарвыканкаму Дзмітрый Антаневіч расказаў Еўрарадыё, што іх аддзел працаваў учора (у выхадны дзень) і плануе працаваць у суботу.
Дзмітрый Антаневіч: Ніякага ажыятажу і вялікіх чэргаў не назіраецца. Мы працуем у звычайным рэжыме, толькі вось вырашылі пайсці насустрач ІП і працуем у выхадныя. Канешне, трэба адзначыць, што ў апошнія дні да нас сталі прыходзіць больш. На сённяшні дзень перарэгістраваліся 500 ІП ва ўнітарныя прадпрыемствы
Зараз у аддзеле прадпрымальніцтва ляжыць яшчэ 1089 заяў ад ІП. Такім чынам, да 10 лістапада будзе зарэгістравана каля 2 тысяч прадпрымальнікаў. Астатнія вырашылі пачакаць да Новага года.
ІП Уладзімір Нікольскі паўгода думаў над тым, пераходзіць яму ў ЧУП ці не, і ўчора аднёс заяву ў Мінгарвыканкам. У яго пяць гандлёвых кропак, і няма столькі родных, каб зрабіць іх прадаўцамі ці перарэгістраваць на іх свой бізнэс.
Уладзімір Нікольскі: Я неаднаразова пралічваў сітуацыю, што будзе, калі перайду ў ЧУП. І заўсёды выходзіла, што я станаўлюся амаль банкрутам. Цягнуў да апошняга, думаў, можа, што зменіцца, але ўчора сабраўся і аднёс заяву. Калі даведаліся, што я жадаю перайсці, мне так узрадаваліся, што насілі мяне на руках з аднаго кабінета ў другі. Сама афіцыйная перарэгістрацыя доўга часу не адымае, але колькі нерваў!
З 5 снежня Уладзімір Нікольскі афіцыйна стане ЧУПам, але на развітанне яшчэ падпісаў дакумент, што не перадумае і абавязкова стане ўнітарным прадпрыемствам.
Яго калега Ганна Краўчанка не будзе станавіцца ЧУПам. Спачатку думала, што аформіць некалькі гандлёвых кропак на сваіх прадаўцоў, але пасля таго, як пачула гісторыю, як прадавец “кінуў” на грошы свайго наймальніка, перадумала і вырашыла пачакаць.
Ганна Краўчанка: Мабыць, нехта рызыкуе і афармляе свой бізнэс на прадаўца, але хто дасць гарантыю, што ён не падмане? Нават самаму лепшаму работніку нельга давяраць. У выпадку падману, хто і што зможа даказаць? Я не ведаю, чаго чакаць, але іншага выйсця для сябе пакуль не бачу.
Пакуль нехта вырашае, як зберагчы свой бізнэс, вядомая спявачка Іна Афанасьева вырашыла стаць ІП і падала ўжо ўсе неабходныя дакументы. Яна ведае пра новаўвядзенні, таму жартам прапанавала свайму дырэктару пабрацца аднаполым шлюбам. Але нягледзячы на ўсе нюансы і цяжкасці, Афанасьева спадзяецца на дзелавыя якасці свайго дырэктара, якой і даручыла арганізаваць уласную справу.
Начальнік упраўлення рэгістрацыі і ліцэнзавання Камітэта эканомікі Мінгарвыканкаму Дзмітрый Антаневіч расказаў Еўрарадыё, што іх аддзел працаваў учора (у выхадны дзень) і плануе працаваць у суботу.
Дзмітрый Антаневіч: Ніякага ажыятажу і вялікіх чэргаў не назіраецца. Мы працуем у звычайным рэжыме, толькі вось вырашылі пайсці насустрач ІП і працуем у выхадныя. Канешне, трэба адзначыць, што ў апошнія дні да нас сталі прыходзіць больш. На сённяшні дзень перарэгістраваліся 500 ІП ва ўнітарныя прадпрыемствы
Зараз у аддзеле прадпрымальніцтва ляжыць яшчэ 1089 заяў ад ІП. Такім чынам, да 10 лістапада будзе зарэгістравана каля 2 тысяч прадпрымальнікаў. Астатнія вырашылі пачакаць да Новага года.
ІП Уладзімір Нікольскі паўгода думаў над тым, пераходзіць яму ў ЧУП ці не, і ўчора аднёс заяву ў Мінгарвыканкам. У яго пяць гандлёвых кропак, і няма столькі родных, каб зрабіць іх прадаўцамі ці перарэгістраваць на іх свой бізнэс.
Уладзімір Нікольскі: Я неаднаразова пралічваў сітуацыю, што будзе, калі перайду ў ЧУП. І заўсёды выходзіла, што я станаўлюся амаль банкрутам. Цягнуў да апошняга, думаў, можа, што зменіцца, але ўчора сабраўся і аднёс заяву. Калі даведаліся, што я жадаю перайсці, мне так узрадаваліся, што насілі мяне на руках з аднаго кабінета ў другі. Сама афіцыйная перарэгістрацыя доўга часу не адымае, але колькі нерваў!
З 5 снежня Уладзімір Нікольскі афіцыйна стане ЧУПам, але на развітанне яшчэ падпісаў дакумент, што не перадумае і абавязкова стане ўнітарным прадпрыемствам.
Яго калега Ганна Краўчанка не будзе станавіцца ЧУПам. Спачатку думала, што аформіць некалькі гандлёвых кропак на сваіх прадаўцоў, але пасля таго, як пачула гісторыю, як прадавец “кінуў” на грошы свайго наймальніка, перадумала і вырашыла пачакаць.
Ганна Краўчанка: Мабыць, нехта рызыкуе і афармляе свой бізнэс на прадаўца, але хто дасць гарантыю, што ён не падмане? Нават самаму лепшаму работніку нельга давяраць. У выпадку падману, хто і што зможа даказаць? Я не ведаю, чаго чакаць, але іншага выйсця для сябе пакуль не бачу.
Пакуль нехта вырашае, як зберагчы свой бізнэс, вядомая спявачка Іна Афанасьева вырашыла стаць ІП і падала ўжо ўсе неабходныя дакументы. Яна ведае пра новаўвядзенні, таму жартам прапанавала свайму дырэктару пабрацца аднаполым шлюбам. Але нягледзячы на ўсе нюансы і цяжкасці, Афанасьева спадзяецца на дзелавыя якасці свайго дырэктара, якой і даручыла арганізаваць уласную справу.
