З Клімавіцкага раёна на сход да Лукашэнкі паедуць толькі надзейныя людзі

Пра тое, што на сходзе не будзе "чужых", у канцы мінулага года пісала Еўрарадыё. Мы звярталі ўвагу на тое, што ў лік дэлегатаў у асноўным трапляюць дэпутаты мясцовых саветаў узору 2018 года.

Тэлеграм-канал @klimavichy звяртае ўвагу на той факт, што ў 2016-м на Усебеларускі народны сход ад Клімавіцкага раёна паехалі "прадстаўнікі самых шырокіх слаёў: 3 рабочых, 1 служачая, 1 кіраўнік сярэдняга звяна, 1 кіраўнік, 2 чыноўнікі". І робіць выснову, што "сацыяльная база ўлады значна звузілася за 5 гадоў, і ўжо няма таго даверу да прадстаўнікоў простага народу, які быў раней".

Тэлеграм-канал "Міфалогія Беларусі" адзначае, што прыклад Клімавіцкага раёна "дае дакладнае ўяўленне аб тым, як УНС фармуецца па ўсёй краіне".