За незразумелы знак на стэле юнак атрымаў два гады калоніі
![За незразумелы знак на стэле юнак атрымаў два гады калоніі](/sites/default/files/styles/gallery_main/public/2023-08/e6041f2a48110f0d43180c85d16f038e-f9fwq.jpg.webp?itok=wFfKfLJ4)
За незразумелы знак на стэле юнак атрымаў два гады калоніі агульнага рэжыму. Суд Цэнтральнага раёна Мінска прызнаў Андрэя Карэшнікава вінаватым у хуліганстве і апаганьванні гісторыка-культурных каштоўнасцяў, паведамляе "Наша ніва".
14 жніўня Карэшнікаў на скульптуры Маці-Радзімы, якая знаходзіцца ля стэлы, намаляваў "кола з лініяй над ім". І суд вырашыў, што яго ўчынак варты двух гадоў калоніі.
Малады чалавек сваю віну ў хуліганстве прызнаў. Але ён заявіў, што не ведаў прыналежнасць абеліска да гісторыка-культурнай каштоўнасці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.