Сустрэча па сітуацыі ва Украіне пачнецца а 15-й у мінскім Прэзідэнт-гатэлі
Пра гэта Еўрарадыё паведамілі ў прэс-службе МЗС Беларусі.
"Кантактная група" збярэцца ў беларускай сталіцы ўжо трэці раз. Яна складаецца з прадстаўніка афіцыйнага Кіева, расійскага амбасадара ва Украіне, прадстаўнікоў самаабвешчаных на Данбасе рэспублік і АБСЕ.
Папярэдні раз на сустрэчы быў падпісаны пратакол аб спыненні агню, пачаўся абмен палоннымі. Якія пытанні будуць абмяркоўвацца сёння, пакуль невядома.
Фота — БЕЛТА
