110 тон піва і 358 прастытутак. Лічбы мінскага ЧС па хакеі
![110 тон піва і 358 прастытутак. Лічбы мінскага ЧС па хакеі](/sites/default/files/styles/gallery_main/public/2023-08/06.jpg.webp?itok=QK-GOWOP)
У 2014 годзе чэмпіянат свету па хакеі стаў для Мінска сапраўднай бомбай. Сталіца тусавалася ў рэжыме нон-стоп, а ветлівыя міліцыянты ахвотна дапамагалі вясёлым замежным заўзятарам, якія прыехалі ў Беларусь, скарыстаўшыся пяцідзённым бязвізавым рэжымам. Без перавелічэнняў, два тыдні мы дыхалі іншым паветрам.
Але паветра — паветрам, а статыстыка — статыстыкай. Мы прыгадалі галоўныя лічбы мінскага ЧС па хакеі:
Каля 31 тысячы турыстаў наведалі Мінск у дні чэмпіяната, скарыстаўшыся бязвізавым уездам. Каб трапіць у краіну, на мяжы дастаткова было паказаць пашпарт і квіток на хакей.
Агулам на чэмпіянат прыехала блізу 80 тысяч замежнікаў з 46 краінаў свету.
На хакейных арэнах і ў фан-зонах заўзятары выпілі 110 тон піва. І закусілі 7,5 тонамі шашлыка і 20 тонамі смажаных каўбасак.
Перад ЧС міліцыя тэрмінова закупіла 1530 кулеабарончых шлемаў.
У Мінску падчас хакейнага чэмпіянату злавілі 358 прастытутак. І 1 прастытута.
За 3 гады ў падрыхтоўку чэмпіяната свету ўкладзена $1,5 млрд. З іх у развіццё хакея ўсяго $5,4 млн.
![110 тон піва і 358 прастытутак. Лічбы мінскага ЧС па хакеі](/sites/default/files/paragraphs/image/hockey19-05-4.jpg)
Хакейныя матчы на "Мінск-Арэне" і "Чыжоўка-Арэне" наведала 651846 гледачоў.
$390 каштаваў у перакупаў квіток на фінал мінскага ЧС па хакеі.
432 сутак арышту атрымалі актывісты, якіх міліцыя "ізалявала" на час чэмпіяната.
6 ордэнаў і 5 медалёў было ўручана па выніках чэмпіяната. Узнагароды атрымалі кіраўнікі спецслужбаў і чыноўнікі з Мінгарвыканкама.