19 беларускіх грамадзян вывезлі з Лівана
Ліван падчас ваенных дзеянняў / Reuters
19 беларускіх грамадзян вылецелі з Лівана на самалёце МНС Расіі.
Спецборт з грамадзянамі Беларусі і Расіі, а таксама іх сем'ямі прыляцеў з Бейрута і прызямліўся ў маскоўскім аэрапорце Дамадзедава.
"Палёт прайшоў без здарэнняў. Людзі атрымалі ўсё неабходнае садзейнічанне і адчуваюць сябе добра", — пракаментаваў журналістам дырэктар дэпартамента інфармацыйнай палітыкі МНС Расіі Раман Ахоценка.
Паведамляецца, што эвакуацыю арганізавалі беларускія дыпламаты ў Сірыі разам з расійскім бокам.
