20-рублёвую беларускую манету прадаюць за 15 тысяч рублёў
Манета, выстаўленая на аўкцыён / ay.bу
Незвычайны лот з'явіўся на аўкцыёне ay.bу. Там на таргі выставілі манету з серыі "Спорт" наміналам 20 рублёў, выпушчаную ў 2012 годзе.
Гэта калекцыйная срэбраная манета дыяметрам 39 міліметраў. Важыць яна 33,63 грама. Адчаканілі манету ў Варшаве.
Яе асаблівасць у тым, што ў 2020-м годзе яе пакрылі рэдкім металам — танталам. Такіх манет усяго 99 штук.
Прадае яе ТАА "Белнумізматыка". 15 000 рублёў — гэта стартавы кошт лота.
Завершыцца аўкцыён 21 сакавіка.
