33 жыхароў Курскай вобласці вывезлі з Украіны ў РФ праз Беларусь
Расіяне ў Беларусі / Кадр з відэа
33 жыхароў Курскай вобласці вывезлі з Украіны ў РФ праз Беларусь. Мірныя жыхары з мінулага года знаходзіліся ва ўкраінскім горадзе Сумы.
Упаўнаважаная па справах чалавека ў Расіі Таццяна Маскалькова анансавала гэтую акцыю ў лютым. Сярод вернутых грамадзян РФ у асноўным пажылыя людзі, але ёсць і чатыры дзіцяці.
Украіна з лета 2024-га кантралюе частку тэрыторыі Курскай вобласці Расіі (у тым ліку і раённы цэнтр Суджа). На ёй дагэтуль знаходзяцца мірныя жыхары, якія трапляюць пад расійскія абстрэлы. Некаторыя з гэтых людзей раней добраахвотна пагадзіліся выехаць на тэрыторыю Украіны, дзе ў іх былі больш бяспечныя ўмовы. Цяпер яны трапяць у Расію.
Беларусь выкарыстоўваецца і для абменаў ваеннапалоннымі паміж РФ і Украінай.
