Азаранка атрымала першую перамогу пасля вяртання ў вялікі спорт
![Азаранка атрымала першую перамогу пасля вяртання ў вялікі спорт](/sites/default/files/styles/gallery_main/public/2023-08/dc2kikcxoaqzvwu.jpg_large.jpg.webp?itok=dEv-zTJd)
Беларуска Вікторыя Азаранка выйграла ў японкі Рысы Адзакі (74-е месца ў рэйтынгу WTA) на турніры ў Мальёрцы. Паядынак 1/16 фіналу пачаўся ў аўторак і быў перарваны з-за надыходу цемры. Першы сэт выйграла Азаранка з лікам 6:3, далей яна, відавочна, стамілася і прайграла другі сэт — 4:6. Прайгравала яна і ў трэцім — 4:5. На шчасце, паядынак перарвалі.
У сераду ён працягнуўся. Вікторыя ўзяла падачу японкі, а пасля аддала сваю, але цудам зноў узяла падачу Адзакі. На тай-брэйку ў напружанай барацьбе беларуска выйграла — 9:7. Выніковы лік — 6:3, 4:6, 7:6.
Вікторыя Азаранка каля года не выступала, у канцы 2016-га яна нарадзіла сына. Спачатку Вікторыя планавала вярнуцца на корт у пачатку 2018 года, але вырашыла прыспешыць сваё вяртанне.
Прызавы фонд турніру ў Мальёрцы складае 250 тысяч долараў.
What a match! @vika7 is back #MallorcaOpen
— MallorcaOpen (@MallorcaOpen) 21 июня 2017 г.
pic.twitter.com/0U3L0G4aXa