На Australian Open Сабаленка "імкнецца зрабіць хет-трык"
Арына Сабаленка / x.com/WTA/
Сталі вядомыя саперніцы Арыны Сабаленка (1-й ракеткі свету) і Вікторыі Азаранка (22-й у рэйтынгу WTA) на Australian Open. У сваіх першых паядынках на турніры Сабаленка згуляе з Слоан Стывенс (84) з ЗША, а Азаранка — з Лючыяй Бранцэці (78) з Італіі.
Адкрыты чэмпіянат Аўстраліі па тэнісе стартуе ў Мельбурне 12 студзеня. Арына Сабаленка перамагала на Australian Open у 2023 і 2024 гадах. А цяпер "імкнецца зрабіць хет-трык", пішуць арганізатары. А яшчэ нядаўна яна выйграла турнір у Брысбене (дарэчы, у Вікторыі Азаранка там узнікла праблема з каленам).
Беларускія тэнісісткі Аляксандра Сасновіч (141) і Алена Фалей (210) не прайшлі адбор, яны прайгралі ўжо свае першыя паядынкі.
Sabalenka doesn't have it easy at #AO2025 as she aims for a hat-trick of AO titles! https://t.co/ZUzj5Imbsu
— #AusOpen (@AustralianOpen) January 9, 2025
