Бацька і двое дзяцей загінулі ад выбуху балона пад Жлобінам
У вясковым доме пад Жлобінам выбухнуў кіслародны балон / Следчы камітэт
У вясковым доме пад Жлобінам выбухнуў кіслародны балон. Інцыдэнт адбыўся ўвечары 2 лютага ў вёсцы Лугавая Вірня.
У выніку выбуху загінулі 35-гадовы мужчына і двое яго малалетніх дзяцей: аднаму — тры гады, другому — адзін год. Выжылі яго жонка і шасцігадовы сын. Іх у цяжкім стане даставілі ў бальніцу.
Агулам у сям'і было чацвёра дзяцей. Яшчэ адно дзіця ў момант выбуху было ў Жлобіне.
Абставіны здарэння высвятляе Следчы камітэт.
