BELPOL атрымаў спісы больш за 10 тысяч членаў выбарчых камісій і назіральнікаў
"Датэрміновае галасаванне" / t.me/garadvest/
Ініцыятыва BELPOL атрымала спісы больш за 10 тысяч членаў выбарчых камісій і назіральнікаў у Беларусі. Сцвярджаецца, што "ўсе яны былі прызначаны рэжымам яшчэ ў верасні 2024 года", да аб'яўлення даты прэзідэнцкіх выбараў (перад гэтым прайшлі праверкі КДБ і МУС на лаяльнасць). А цяпер "задзейнічаны ў чарговай фальсіфікацыі прэзідэнцкай выбарчай кампаніі ў Беларусі".
"Ананімнасць не ўдасца захаваць нікому і за свае злачынствы па саўдзеле захопу ўлады ў краіне прыйдзецца адказаць усім", — заяўляе BELPOL.
Як вядома, у цяперашняе "электаральнае мерапрыемства" рэжым Лукашэнкі вырашыў не публікаваць прозвішчы членаў выбарчых камісій. Іх больш за 57 тысяч чалавек. Сярод іх толькі 3% новых людзей.
