Часопіс Time назваў Дональда Трампа чалавекам года
Дональд Трамп — чалавек года / Time
Дональд Трамп стаў чалавекам года паводле версіі часопіса Time. Ён ужо другі раз атрымлівае гэтае званне.
Званне чалавека года выданне традыцыйна штогод прысуджае людзям, якія аказалі значны ўплыў на свет — незалежна ад характару гэтага ўплыву. Часопіс называе Трампа "самым магутным чалавекам на Зямлі".
Званне чалавека года Трамп атрымлівае ад Time ужо другі раз. Першы раз ён быў уганараваны ў 2016 годзе пасля першай сваёй перамогі на прэзідэнцкіх выбарах у ЗША.
Летась званне чалалвека года атрымала амерыканская спявачка Тэйлар Свіфт. Яна падтрымала саперніцу Трампа на прэзідэнцкіх выбарах Камалу Харыс. Пасля гэтага Трамп заявіў, што ненавідзіць Тэйлар Свіфт.
