Ці стала непрызнанне Еўрапарламентам “выбараў” прыкметай слабасці — эфір

Апошнімі днямі беларускае пытанне і тэма Беларусі гучала на самых розных узроўнях і згадвалася рознымі палітыкамі і ў розных дакументах. Пачынаючы ад заяў асобных еўрапейскіх краін пра непрызнанне вынікаў “выбараў” да рэзалюцыі Еўрапарламента з гэтай нагоды, ад рашэння Сената Польшчы адносна статусу Каардынацыйнай рады і да ўдзелу беларускай дэлегацыі ў эканамічным форуме ў Давосе. Гэта і шмат што яшчэ прывяло да нервовай рэакцыі як у асяродку рэжыму Лукашэнкі, так і яго прапаганды і спецслужб.

Ці будзе канкрэтны вынік ад чарговай рэзалюцыі Еўрапарламента па Беларусі і як падчас прыняцця гэтага рашэння ў зале ЕП працавала “лукашэнкаўскае лобі”? Што дае прызнанне Сеймам Польшчы Каардынацыйнай рады “парламентам у выгнанні” і ці чакаць такога прызнання ад іншых краін? Чаму ў Літве настроеныя так катэгарычна супраць пашпарта Новай Беларусі і ці зменіцца стаўленне да беларускіх дэмсіл на Захадзе пасля 26 студзеня? На гэтыя ды іншыя пытанні ў эфіры Еўрарадыё адказвае кіраўнік цэнтра “Еўрапейскі дыялог”, дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька.