Ціханоўская — пра "фіктыўную інаўгурацыю Лукашэнкі"
Легітымнасць Аляксандра Лукашэнкі Захадам не прызнаецца / delfi.lt
Кіраўніца Аб'яднанага пераходнага кабінета Беларусі Святлана Ціханоўская пракаментавала прызначэнне "інаўгурацыі" Аляксандра Лукашэнкі на 25 сакавіка. Пра гэта было аб'яўлена ў чацвер.
"Самаабвешчаны дыктатар Лукашэнка прызначыў сваю фіктыўную "інаўгурацыю" на 25 сакавіка — праз два месяцы пасля сваіх фальшывых "выбараў", — піша Ціханоўская ў Х. — Ні беларусы, ні дэмакратычныя краіны не прызнаюць яго. Ён злачынец, які чапляецца за ўладу, які прадае Беларусь Пуціну, уцягвае нашу краіну ў далейшую акупацыю".
На гэты раз мерапрыемства не будзе таемным, як у 2020 годзе, калі "інаўгурацыя" не анасавалася і не транслявалася ў жывым эфіры. Яна пройдзе падчас рэпрэсій, якія ў РБ не спыняюцца.
On March 25, we call on you to join the International Day of Solidarity with Belarus. From Los Angeles to Kyiv, rallies and events will echo one message: Belarus will be free! Free from tyranny, free from Russian control, and back in Europe where it belongs. #StandWithBelarus pic.twitter.com/Ji6y6wlpvZ
— Sviatlana Tsikhanouskaya (@Tsihanouskaya) March 20, 2025
