Доктару, якая сумленна распавядала пра COVID, прыйшлося з'ехаць з Беларусі
Дар'я Чэхава (Плоткіна) / www.svaboda.org
Лекара з прыёмнага аддзялення 10-й гарадской клінічнай бальніцы Дар'ю Чэхаву (Плоткіну) у Twitter чыталі каля 13 тысяч чалавек. Усю пандэмію яна дзялілася сваімі назіраннямі аб COVID-19 і тактыцы беларускага Міністэрства аховы здароўя ў пытанні барацьбы з гэтым захворваннем.
У аўторак увечары Плоткіна паведаміла, што была вымушана тэрмінова з'ехаць з краіны.
Если вам кажется, что меня миновали различного рода репрессии, то за ведение твиттера я пару раз каталась в рувд, после чего материалы моего дела были переданы в СК, и, судя по всему, впаять мне могли немало.
— Плоткина (@medulla_ossium) November 3, 2020
Поэтому пришлось собирать чемоданы и экстренно отчаливать.
Паводле яе слоў, у РУУС яе выклікалі ў сувязі з яе твіттам аб згвалтаваннях затрыманых. Потым выклікалі яшчэ раз, і паведамілі, што яе справа перададзеная ў Следчы Камітэт. Затым быў званок з СК.
"Так што ў мяне не засталося варыянтаў. Альбо публічнае прыніжэнне (хоць я не лічу, што я паступіла няправільна, асвятляючы тыя ці іншыя падзеі) і матаць тэрмін (каб іншым непавадна было), альбо хутка з'язджаць. Я пакінула жыллё, машыну, працу, сваю сям'ю — усё, што ў мяне было", — піша доктар.
Яна кажа, что пісала ў сацсетках дзеля праўды, каб людзі разумелі, што каронавірус — гэта небяспечна, а не як кажуць па тэлевізары, што гвалт у дачыненні да мірных грамадзян — гэта дрэнна, што замоўчваць такія выпадкі нельга.
Доктар прызналася, што шкадуе аб адным — што вымушана з'язджаць у разгар пандэміі і не зможа лячыць людзей. Краіну, у якую яна з'ехала, Плоткіна не назвала, але сказала, што раней там ніколі не была. Плануе вучыць мову і працаваць лекарам. Кажа, што вельмі сумуе па калегам і пацыентам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
