Еўрасавет выбраў новых лідараў ЕС
Урсула фон дэр Ляен / x.com/vonderleyen/
Еўрасавет выбраў новых лідараў ЕС. Па выніках галасавання, старшынёй Еўрапейскай камісіі застаецца Урсула фон дэр Ляен, Еўрапейскі савет узначаліць экс-прэм'ер Партугаліі Антоніу Кошта, а знешнепалітычную службу ЕС — кіраўніца ўраду Эстоніі Кая Калас. За іх прагаласавалі адзіным пакетам як мінімум 20 з 27 краін-членаў, якія прадстаўляюць не менш за 65% насельніцтва Еўрасаюза. Інтрыга захоўвалася аж да завяршэння першага дня саміту ЕС, паколькі далікатную тэму выбару лідараў адсунулі ў самы канец парадку дня (пасля абмеркавання вайны ва Украіне, тэмы абароны і бяспекі Еўрасаюза і канфлікту на Блізкім Усходзе), піша dw.com.
Цяпер згаданыя кандыдатуры, а таксама еўракамісараў павінен зацвердзіць Еўрапарламент. Яго першая сесія новага склікання пройдзе 16-19 ліпеня ў Страсбургу.
Grateful to Leaders for endorsing my nomination for a second mandate.
— Ursula von der Leyen (@vonderleyen) June 27, 2024
Delighted to share this moment with my friends Antonio Costa & Kaja Kallas.
Now I will seek confirmation from the European Parliament, after presenting my political guidelines ↓ https://t.co/bqxlFptq7b
