Гісторыка Ігара Мельнікава асудзілі на 4 гады зняволення
Ігар Мельнікаў на судзе / sb.by
44-гадовага гісторыка Ігара Мельнікава асудзілі на чатыры гады калоніі агульнага рэжыму, прызнаўшы вінаватым у садзейнічанні экстрэмісцкай дзейнасці.
Як паведамляе пракуратура Мінска, нагодай для суд стала інтэрв'ю, якое гісторык даў у студзені 2022 года. "У судовым пасяджэнні абвінавачаны віну цалкам прызнаў. Паказаў, што разумеў экстрэмісцкую накіраванасць Еўрарадыё і сваімі дзеяннямі аказаў садзейнічанне экстрэмісцкаму фармаванню", — гаворыцца ў паведамленні пракуратуры.
На момант інтэрв'ю Еўрарадыё не было прызнанае "экстрэмісцкім фармаваннем". Такое рашэнне МУС прыняло 20 ліпеня 2022 года.
Як паведамлялася раней, Мельнікава затрымалі ўзімку 2024 года. У жніўні тры яго кнігі былі ўнесеныя ў "экстрэмісцкі" спіс.
