Гродзенская пракуратура патрабуе "ўдасканаліць" гісторыка-культурны турызм
Нарада ў Дзятлаўскім райвыканкаме / diatlovonews.by
Пракуратура Гродзенскай вобласці патрабуе "ўдасканаліць" гісторыка-культурны турызм. У Дзятлаўскім райвыканкаме ўжо адрэагавалі — намеснік старшыні Вадзім Бялятка сабраў нараду з удзелам спецыялістаў сектара спорту і турызму райвыканкама, а таксама турыстычнага інфармацыйнага цэнтра.
"Увага звяртаецца на тое, каб помнікі і пахаванні воінаў і мірнага насельніцтва, загінулага ў Вялікай Айчыннай вайне, не толькі ўтрымліваліся ў належным стане, але былі ўключаны ў экскурсійныя маршруты", — паведаміў прысутным чыноўнік.
Атрымліваецца, што турыстаў будуць часцей вазіць не да палацаў ці замкаў, а да магіл і помнікаў ахвярам вайны, расказваць пра генацыд.
