Кіраўніка незалежнага прафсаюза асудзілі за аватарку ў Фэйсбуку
Кіраўніка Беларускага Незалежнага прафсаюза Максіма Пазнякова з Наваполацка асудзілі на 15 сутак арышту, паведамляюць праваабаронцы.
Нагодай стала аватарка Пазнякова ў Фэйсбуку. На ёй былі сцяг Украіны і фраза "За незалежнасць".
Як распавядала Еўрарадыё, Пазнякова затрымалі 17 траўня каля дзіцячага садка, куды ён адводзіў дзяцей. На аўтамабілі, у які яго пасадзілі, не было апазнавальных знакаў.
Напярэдадні затрымання Пазнякоў асудзіў затрыманне шэрагу актывістаў прафсаюзнага руху.
