Маргарыта Ляўчук прадала карціну, намаляваную сваімі валасамі

Спявачка Маргарыта Ляўчук намалявала сваімі валасамі карціну і прадала яе на аўкцыёне за 600 долараў, паведамляе Беларуская Рада культуры.

Усе грошы будуць перададзеныя родным палітзняволенага мастака Алеся Пушкіна.

Карціну набыў беларускі айцішнік, які з’ехаў з сям’ёй з Беларусі ў 2021 годзе.

“Карціну набыў, бо, па-першае, падабаецца Марго і яе творчасць, а па-другое — гэта мой данат на падтрымку сям’і Алеся [Пушкіна] і беларускай культуры ўвогуле. Сябры, падтрымлівайце беларусаў і беларускую культуру, захоўвайце мову — і ўсё будзе добра!” — пракаментаваў ён сваю пакупку.