Мінабароны Украіны паказала першы падземны шпіталь для УСУ

Мінабароны Украіны ўвяло ў эксплуатацыю першы падземны шпіталь для ўкраінскага войска. Ён сканструяваны з шасці сталёвых бункераў, з сістэмамі вентыляцыі, водазабеспячэння і альтэрнатыўнымі крыніцамі сілкавання. Дзякуючы сучаснаму медыцынскаму абсталяванню, уключаючы аперацыйныя блокі і рэанімацыйныя аддзяленні, там могуць аказваць дапамогу больш за 100 параненым штодня.

У Мінабароны адзначаюць, што праект з'яўляецца першым крокам у рамках маштабнай ініцыятывы, якая прадугледжвае будаўніцтва больш за 20 такіх шпіталёў для УСУ.