Мінінфарм патлумачыў, чаму абмежаваны доступ да трох навінавых інтэрнэт-рэсурсаў
Тры медыяпляцоўкі былі заблакаваныя ў Беларусі ў чацвер / Fotolia
Доступ да навінавых інтэрнэт-рэсурсаў Deutsche Welle, "Настоящее время" і "Новы час" абмежаваны, паколькі гэтыя медыяпляцоўкі распаўсюджвалі гіперспасылкі на экстрэмісцкія матэрыялы, паведамляе БЕЛТА са спасылкай на першага намесніка міністра інфармацыі Андрэя Кунцэвіча.
Першы намеснік міністра нагадаў, што арт.19 закона аб супрацьдзеянні экстрэмізму забараняе распаўсюджваць экстрэмісцкія матэрыялы. Пры гэтым арт. 38 закона аб СМІ вызначае прамую забарону на распаўсюд гіперспасылак на падобныя матэрыялы.
Сайты беларускай газеты "Новы Час", тэлеканала "Настоящее время" і выдання Deutsche Welle перасталі адкрывацца ў Беларусі ў чацвер. З-за мяжы і праз VPN яны да гэтага часу даступныя.
