Музыку Максіма Субача асудзілі на 15 сутак
Музыку гуртоў TonqiXod і Subtonans Максіма Субача асудзілі на 15 сутак, паведамляе Беларуская Рада культуры. Яго прызналі вінаватым па "народным" артыкуле 24.23 КаАП.
Нагодай стала налепка з "Пагоняй" на аўто музыкі. Пратакол на яго склалі на падставе фотаздымака, зробленага амаль 2 месяцы таму. Сёння быў апошні дзень, калі яго маглі асудзіць.
Як распавядала Еўрарадыё, Субачу некалькі разоў прапаноўвалі прыйсці ў міліцыю "паразмаўляць" і ў выніку затрымалі да суда.
