Пра змену стратэгіі КР, перамовы з рэжымам і Кабінет — эфір з Ягоравым
Андрэй Ягораў / Еўрарадыё
Не паспела Каардынацыйная рада, пра існаванне якой большасць беларусаў ужо забыла, завяршыць працэс рэфармавання і трансфармацыі, як яе пачалі трэсці скандалы. Пачалося ўсё з працэдуры абрання дэлегатаў КР і скончылася гучным выхадам са складу гэтай структуры кіраўніка НАУ і прадстаўніка Аб’яднанага пераходнага кабінета Паўла Латушкі. На што КР адрэагавала шырокамаштабнай акцыяй абурэння дзеяннямі і словамі палітыка…
Што з сябе ўяўляе Каардынацыйная рада і ці можа яна замяніць усе іншыя структуры дэмсіл? Чаму КР спяшаецца з прыняццем Рэгламенту і ці не будзе гэта пачаткам развалу так і не дарэфармаванай структуры? Ці можа існаваць протапраламент у выгнанні і ці вераць яго чальцы ў магчымасць перамоў з рэжымам? На гэтыя ды іншыя пытанні ў эфіры Еўрарадыё адказвае палітолаг, сябра Каардынацыйнай рады Андрэй Ягораў.
