Прадстаўнік Трампа: на перамовах не будзе нікога, акрамя ЗША, Украіны і Расіі
Уладзімір Зяленскі і Дональд Трамп / Reuters
Сталі вядомыя планы Дональда Трампа на перамовы па Украіне. Там няма месца нікому, акрамя ЗША, Расіі і Украіны.
"Чаго мы не хочам рабіць, дык гэта ўступаць у вялікую групавую дыскусію”, — заявіў спецпрадстаўнік прэзідэнта ЗША па ўрэгуляванню вайны Кіт Кэлаг на адным з мерапрыемстваў Мюнхенскай канферэнцыі па бяспецы.
“Фізічнага месца” за сталом перамоў, па яго словах, для Еўропы, як і для іншых не будзе. Але Кэлаг кажа, што “інтарэсы партнёраў будуць улічвацца”.
Пакуль трэк перамоў прапануецца такі: ЗША з Расіяй, потым ЗША з Украінай і так па коле, пакуль не будзе рашэння. То бок, ніякага аналага Хельсінскай канферэнцыі.
На ўдзеле Еўропы ў перамовах падчас канферэнцыі настойвалі прадстаўнікі ўсіх краін ЕС, а таксама Уладзімір Зяленскі.
