Пуцін лічыць неабходным скараціць здабычу нафты на 10 млн барэляў у суткі

Расія бачыць неабходнасць у скарачэнні здабычы нафты, заявіў Уладзімір Пуцін на нарадзе па сітуацыі на сусветным рынку нафты 3 красавіка.
 
У рамках дамоўленасцей АПЕК+ Расія лічыць неабходным разам з іншымі дзяржавамі скараціць аб'ёмы здабычы нафты на 10 мільёнаў барэляў у суткі. 

"Вядома, гэта ўсё павінна адбывацца па-партнёрску", — перадае прэс-служба Крамля словы расійскага прэзідэнта. 

Ён прапануе знізіць аб'ёмы здабычы нафты да да ўзроўню першага квартала 2020 года. 

Як вядома на пачатку сакавіка краіны АПЕК+ не змаглі дамовіцца пра скарачэнне здабычы нафты. У СМІ прычынай называлі жорсткую пазіцыю Расіі. У выніку Саудаўская Аравія перавяла пастаўкі сыравіны на максімальны ўзровень, што прывяло да абвалу сусветных коштаў на нафту.

Напрыклад, беларускія ўлады заявілі, што будуць купляць расійскую нафту па цане 4 долары за барэль. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.