Сахашчык заклікаў вайскоўцаў Беларусі аб'яднацца і быць на сувязі—з-за Прыгожына
Валерый Сахашчык / youtube.com/@belarus-defense
Прадстаўнік Аб'яднанага пераходнага кабінета па пытаннях абароны і бяспекі Валерый Сахашчык звярнуўся да беларускіх вайскоўцаў з-за хваляванняў у Расіі.
— Дзень у Растове выдаўся цікавым. Усе думаючыя людзі разумелі, што Расійская Федэрацыя, пабудаваная на хлусні, карупцыі і беззаконні рана ці позна разваліцца. Мы назіраем пачатак актыўнай фазы гэтага працэсу.
Мы не ведаем дакладна, што будзе заўтра. Магчыма, Прыгожын пераможа, мабілізуе палову насельніцтва Расіі і закідае Украіну гарматным мясам. А можа быць, разумеючы, што ва Украіне ў яе няма шанцаў, паверне свае сілы на Беларусь, каб на гэтай хвалі набраць палітычныя ачкі... І мы павінны вырашаць, што рабіць далей, прычым вырашаць хутка.
