Сайт "Зеркало" і ўсе яго сацсеткі прызнаныя "экстрэмісцкімі"
Сайт "Зеркало" трапіў у "экстрэмісцкі спіс" / baj.by
Улады надалі сайту "Зеркало" і ўсім яго сацсеткам статус "экстрэмісцкага фармавання". Адпаведную пастанову МУС прыняло 9 чэрвеня.
Сілавікі ў сваіх каналах заяўляюць, быццам рашэнне было прынятае "за публічныя заклікі да санкцый, дыскрэдытацыю і абразу службовых асобаў, арганізацыю дзейнасці па падрыхтоўцы і здзяйсненню замахаў на суверэнітэт і грамадскую бяспеку Рэспублікі Беларусь".
"Зеркало" — інфармацыйны сайт, які стварае частка журналістаў былога партала TUT.by. Сам партал TUT.by, разгромлены ў Беларусі, таксама прызнаны "экстрэмісцкім", а яго кіраўніцам — дырэктарцы Людміле Чэкінай і галоўнай рэдактарцы Марыне Золатавай — прысудзілі па 12 гадоў зняволення.
