У Астане прайшла сустрэча Лукашэнкі і Назарбаева
Двухбаковую сустрэчу сёння правялі ў Астане кіраўнік Беларусі Аляксандр Лукашэнка і прэзідэнт Казахстана Нурсултан Назарбаеў. Яны абмеркавалі "актуальныя пытанні двухбаковага супрацоўніцтва" ды пагаварылі пра супрацу ў межах ЕўрАзЭС, інфармуе БЕЛТА. Нагадаем, Лукашэнка прыляцеў у Казахстан з працоўным візітам у нядзелю. Плануецца, што заўтра ў Астане ён прыме ўдзел у паседжанні Міждзяржсавета ЕўрАзЭС (вышэйшага органа Мытнага саюзу).
