У аўторак у Беларусі месцамі будзе да +16, дажджы

У аўторак, 25 кастрычніка, у Беларусі месцамі пройдуць невялікія дажджы. Сіноптыкі папярэджваюць, што ўначы і раніцай у асобных раёнах магчымы туман.

Тэмпература паветра ў начныя гадзіны складзе ад +3 на паўночным усходзе да +11 градусаў на паўднёвым захадзе (у Мінску — ад +8 да +10), у дзённыя гадзіны — 9-14 цяпла (на Брэстчыне — да +16, у сталіцы — ад +11 да +13 градусаў).