У Беларусі на прапагандысцкую праграму НТВ адкажуць “Нашым жыццём”
![У Беларусі на прапагандысцкую праграму НТВ адкажуць “Нашым жыццём”](/sites/default/files/styles/gallery_main/public/2023-08/pulttelevizarfotolia600.jpg.webp?itok=csRRmASp)
У Беларусі на нядаўнюю праграму “Месца сустрэчы” на расійскім тэлеканале НТВ адкажуць “Нашым жыццём”. У пятніцу быў запісаны чарговы выпуск праграмы, якая выходзіць на тэлеканале АНТ. На яе быў запрошаны кіраўнік Партыі БНФ Рыгор Кастусёў. Як ён напісаў на сваёй старонцы ў Facebook, “на запісы ток-шоў эмоцыі зашкальвалі”. Праграма “Наша жыццё” выйдзе ў эфір увечары ў панядзелак, 4 снежня.
Як інфармавала Еўрарадыё, у праграме “Месца сустрэчы” вядучыя і шэраг экспертаў вельмі агрэсіўна “прайшліся” па Беларусі і яе кіраўніцтве. “Пасыл” быў наступны: “няшчырая” Беларусь, а хутчэй яе кіраўніцтва, ужо 25 гадоў усялякім чынам (у тым ліку і шантажом) “выбівае” грошы з Расіі, а сама сябруе і з Украінай, і з Захадам.
Газета “СБ. Беларусь сегодня” адказала прапагандыстам з НТВ карыкатурай.