Стратны 2024 год: як беларускі дзяржсектар праваліўся ў Расіі
Продажы беларускіх дзяржаўных кампаній у Расіі скарачаюцца: прыбытак забяспечылі толькі два гіганты / myfin.by
Больш за трэць беларускіх дзяржаўных прадпрыемстваў у Расіі скарацілі аб’ёмы продажаў, а дзве траціны — страцілі ў прыбытку ў 2024 годзе. Пра гэта піша выданне Plan B, якое прааналізавала фінансавую справаздачнасць кампаній.
Усяго ў таварную сетку беларускага дзяржсектару на расійскім рынку ўваходзіць 38 кампаній. Іх сукупная выручка ў 2024 годзе склала каля 400 млрд расійскіх рублёў, што ў рэальным вымярэнні паўтарае ўзровень 2023 года. Але ў даляравым эквіваленце паказчыкі пагоршыліся.
Асабліва прыкметны правал у буйных гульцоў: выручка даччынай структуры "H-холдынга" ўпала больш чым на 20%, а прадстаўніцтва "Белнафтахіма" — на 10%.
Скарацілі продажы таксама БелАЗ, БМЗ, МАЗ, БНК, "Белшына", "Агракамбінат Дзяржынскі" і іншыя ключавыя прадпрыемствы.
15 з 38 кампаній скончылі год са стратамі, прычым 13 з 15 убыточных адначасова страцілі як у выручцы, так і ў прыбытку.
Найгоршая сітуацыя у гандлёвых дамоў Беларускай металургічнай кампаніі. Значныя страты панеслі таксама структуры "Беларуснафта-Сібір" і МАЗа.
Некаторыя кампаніі паказалі рост выручкі, але адначасова сышлі ў мінус па прыбытку. Сярод іх — "Гомсельмаш", "Аўтакампаненты", "Пінскдрэў", "Беларуская цэментная кампанія" і іншыя. У гэтай групе шэсць прадпрыемстваў завяршылі год з чыстымі стратамі.
Толькі 16 з 38 кампаній палепшылі свае фінансавыя паказчыкі па прыбытку. Аднак амаль 70% сукупнага прыбытку (каля 85 млн долараў з 125 млн) забяспечылі толькі дзве кампаніі — Гандлёвы дом "БелАЗ" і Нафтавая кампанія "Янгпур", даччынае прадпрыемства "Беларуснафты", што займаецца здабычай у Ямала-Ненецкай аўтаномнай акрузе.
