У Брэсце асуджаныя 6 пратэстоўцаў, сярод іх — футбольны трэнер
У Брэсце асуджаныя 6 пратэстоўцаў. Маскоўскі суд прызнаў іх вінаватымі ва ўдзеле ў "масавых беспарадках" 10 жніўня 2020-га (суддзя — Іна Клышпач). Гэта ўжо шостая група абвінавачаных. Як паведамляюць праваабаронцы, усе асуджаны на пазбаўленне волі ў калоніі ўзмоцненага рэжыму: Уладзімір Кобрынец і Андрэй Кандрасюк — па 4 гады, Артур Аміраў — 3 гады і 6 месяцаў, Мікалай Малюта, Раман Паўленка і Вадзім Чапялевіч — па 3 гады. Менавіта такія тэрміны і прасіла абвінавачванне
Чапялевіч — футбольны трэнер. Ён быў прызнаны палітвязнем яшчэ ў траўні.
Па справе аб "масавых беспарадках" у Брэсце 10 жніўня 2020-га (тады адбыліся сутыкненні пратэстоўцаў і сілавікоў) агулам вясной-летам 2021-га былі асуджаны больш за 40 чалавек.
