У Крыме пасля атакі ВСУ другія суткі гарыць самы буйны нафтавы тэрмінал
Пажар на нафтавым тэрмінале ў Феадосіі / @astrapress
У Феадосіі дагэтуль гарыць нафтавы тэрмінал. Пажар пачаўся напярэдадні пасля атакі УСУ. "Работы па ліквідацыі пажару працягваюцца, усе задзейнічаныя службы знаходзяцца на аператыўнай сувязі са штабам", — пісаў сёння раніцай у сацсетках кіраўнік адміністрацыі анексаванага Расіяй горада Ігар Ткачэнка.
Ён таксама расказаў, што з раёнаў, прылеглых да тэрмінала, эвакуявалі больш за тысячу чалавек. Першапачаткова іх адвезлі ў пункты часовага размяшчэння. Але пасля агляду медыкаў абяцаюць пасяліць у гасцініцах і пансіянатах. Тэлеграм-канал Astra піша, што праблемы з ліквідацыяй пажару могуць быць звязаныя з тым, што агонь ад пашкоджаных цыстэрнаў перакінуўся на суседнія бакі з нафтай. Гэта адна з версій.
Нагадаем, надоечы ўкраінскі Генштаб пацвердзіў паражэнне нафтавага тэрмінала ў Феадосіі. Атаку правялі падраздзяленні ракетных войскаў УСУ ва ўзаемадзеянні з іншымі часткамі Сіл абароны Украіны. Гэты тэрмінал з'яўляецца самым буйным у Крыме па аб'ёмах перавалкі нафтапрадуктаў.
