У Лідзе праводзяць "эксперымент" па адраджэнні савецкіх традыцый
Арыштаваных адпраўляюць на працу / sb.by
У Лідзе праводзяць "эксперымент" па адраджэнні савецкіх традыцый, піша sb.by. Асуджаных на адміністрацыйны арышт сталі адпраўляць на грамадскія працы. У прыватнасці, іх задзейнічалі на добраўпарадкаванні тэрыторыі бальніцы.
Ініцыятарам новаўвядзення стаў намеснік галоўнага лекара па гаспадарчай працы Лідскай цэнтральнай раённай бальніцы Аляксандр Ванюкевіч. І гэта не дзіўна — раней ён служыў у адной з сілавых структур.
Ужо некалькі дзён 10-20 асуджаных працуюць пад кантролем міліцыянера. Прапагандысты адзначаюць, што сярод іх ёсць і арыштаваныя за падпіску на "экстрэмісцкія" тг-каналы.
